බෞද්ධ බිතු සිතුවම්

ශ්‍රී විජය නන්දනාරාමය

එගොඩවත්ත , පිළියන්දල

මෙහි විහාර මන්දිරයේ සිවිලිමේ සහ බිත්ති මත සිතුවම් නිර්මාණය කර ඇත . එයට අමතරව විහාරයේ ඇතුළු කුටියෙහි ද්වාරය ද අභිනවයෙන් නිමවන ලදී . විහාරයේ පිටත බිත්තිය ඓතිහාසික සිදුවීම් අර්ධ උන්නත ලෙස කැටයම් කර අලංකාර කර ඇත .

චේතියාරාමය

බණ්ඩාරගම පාර , කිඳෙල්පිටිය

අලුත්වැඩියා කරන ලද විහාර මන්දිරය තුල බුද්ධ චරිතය දැක්වෙන බිතු සිතුවම් නිමවා ඇත . සිවිලිම දර්ශනීය වර්ණවත් මල් රටා වලින් සමන්විත වන අතර ඇතුළු කුටියෙහි ද්වාරය ද සිංහ රූප සමග අභිනවයෙන් නිමවන ලදී .

සුවිශුද්ධාරාමය

වැල්ලවත්ත

මෙම විහාර මන්දිරයේ ඇතුළත බිත්ති ඓතිහාසික ලෙස වැදගත් සිදුවීම් දැක්වෙන සිතුවම් වලින් ද සිවිලිම මනස්කාන්ත මල් රටා වලින් ද සමන්විත වේ . ඊට අමතරව බුද්ධ චරිතයේ ඇතැම් සිද්ධි පූර්ණ උන්නත ලෙස කැටයම් කර ඇත .

සිරි නිකේතාරාමය

නාම්පමුණුව , පිළියන්දල

විහාර මන්දිරයේ පිටත කුටියේ බිත්ති සහ සිවිලිම වර්ණවත් බිතු සිතුවම් වලින් සමලංකෘත වේ . එමෙන්ම පෞරාණික ඇතුළත කුටියේ ද්වාරය ද මකර තොරණක් අර්ධ උන්නත පරිදි කැටයම් කර සරසන ලදී.

සුධර්මාලංකාර විහාරය

මකුළුදූව , පිළියන්දල

මෙම විහාරස්ථානයේ බෝධි ඝරය වටා බැතිමතුන්ගේ පහසුව තකා පියස්සක් ඉදි කර ඇත . එම පියස්සේ සිවිලිම දිව්‍ය ලෝක සය හා වෙනත් වැදගත් සිදුවීම් දැක්වෙන සිතුවම් වලින් අලංකාර කර ඇත .

ශ්‍රී ධම්මකිත්තිකාරාමය

කොට්ටාව , පන්නිපිටිය

විහාර මන්දිරයේ බිත්ති සහ සිවිලිම දුඹුරු පැහැයට හුරු වර්ණ වලින් සමන්විත රටාවේ මනස්කාන්ත බිතු සිතුවම් වලින් සරසා ඇති අතර ඇතුළත කණු ද කලාත්මක ලෙස නිමවා ඇත .

සත් බුදු මහා විහාරය

පැලැන්වත්ත , පන්නිපිටිය

විහාර මන්දිරයේ පසුබිම් සිතුවම හා සිවිලිම් රටා නිර්මාණය කරන ලදී . එසේම දාගැබේ ගර්භය තුළ දිව්‍ය ලෝක සය ද ධාතු මන්දිරය තුළ ඓතිහාසික ශාසනික සිදුවීම් ද සිත්තම් කර ඇත .

සද්ධර්මාරාමය

කහපොල , පිළියන්දල

මෙම විහාර මන්දිරයේ සිවිලිම රටා වලින් ද, බිත්ති බුද්ධ චරිතය දීප්තිමත් වර්ණ වලින් සිතුවම් කිරීමෙන් ද, සරසා ඇත . කලාකරුවාණන් විසින් මෑත කාලයේ නිම කළ නිර්මාණයකි .

ශ්‍රී ධර්මෙන්ද්‍රාරාමය

ගල්කිස්ස

විහාර මන්දිරය තුළ නවීන රටාවේ ආභාෂය සහිත වර්ණවත් සිතුවම් නිර්මාණය කර ඇත . සරලත්වය මෙම චිත්‍ර වල වැදගත් ලක්ෂණයකි . මෙය මෑතකාලීන නිර්මාණයකි .

ශ්‍රී ධම්මින්දාරාමය

කොතලාවලපුර , රත්මලාන

විහාරස්ථානයේ දාගැබෙහි ගර්භය තුල වර්ණවත් සිතුවම් නිර්මාණය කර ඇත . මෙම සිත්තම් ඓතිහාසික සිදුවීම් සහ බුද්ධ චරිතයේ වැදගත් සිද්ධි නිරූපණය කරන පරිදි නිර්මාණය කරන ලදී .

ප්‍රධාන සේවා
බෞද්ධ විහාර නිර්මාණය
බෞද්ධ බිතු සිතුවම්
බුද්ධ ප්‍රතිමා
දේව ප්‍රතිමා (දේවාල තුළ)
බෝධි ඝර
ස්ථූප
මකර තොරණ
වාහල්කඩ
සඳකඩ පහණ
මුරගල්
කොරවක් ගල්

සෙසු සේවා
තෙල් සායම් චිත්‍ර
දිය සායම් චිත්‍ර
පැන්සල් චිත්‍ර
ඡායාරූප ඇඳීම
වාස්තු උපදේශන සේවය

පරිශීලනය සඳහා
යූටියුබ් වාර්තා වැඩසටහන
( දායකත්වය ජාතික රූපවාහිනිය මගිනි )

සබඳතා

සුමිත් අක්මීමන

94 777 762 041

94 777 762 041

94 777 762 041

sumith.artwork@gmail.com